En cada momento do desenvolvemento do neno hai aspectos que son máis sensibles a mellorar que outros, e por tanto, sabemos que é prioritario tratalos. Partindo desta premisa, os plans de atención específica desenvolvidos pretenden mellorar considerablemente un destes aspectos, paralelamente ao seguimento e traballo multidisciplinar que mantén o neno co equipo profesional.

Os plans específicos de tratamento son proxectos baseados no tratamento individualizado do neno unificando todos os recursos (equipo profesional e ferramentas de traballo) para alcanzar un mesmo obxectivo.

Para incluír a un neno nun destes programas, inicialmente o equipo da unidade de neurorrehabilitación pediátrica realizará unha primeira valoración, onde se informará aos familiares se ten as condicións idóneas para ese programa, e aconsellará o plan de tratamento específico máis eficaz.